رواية حب منكسر الفصل السابع7 بقلم سهير أحمد

بعد أمل ماتت بقاا لينا اي شي مسيخ امي ما بتتكلم معنا وبت أمل محتاجه رعاية فانا بقيت بهتم بيها لحدي ابوها يرجع لي وعيوو وجات صحبت ملك قالت الا تهتم بيها معنا طبعا ختيت انووو عشان بتحبها وانا عارفة سلفا انو قبل كده عملت امور بس اختي حنينة وطيبةة  ومرات الايام وعثمان جاء سال عن بتووو 

.. عثمان

اتزكرت اخر جملة قالتها لي انو في غرفتها ها القا دفتر مشيت سالت عن بتي لانو ها ارجع بيتنا كن في بيت ام امل شالتها كانت قطعة مني قعدت شوية معها وقولت ليهم انتبهوو عليها شديد ومشيت البيت وفتحت الدولاب ولقيت الدفتر وفتحتو وكان مكتوب فيهووو

... 

بعد ما تستلم الدفتر انا بكون تحت رحمة اللةة وادعي لي

بطبعي بت هادئة ما بحب اتدخل في خصوصيات الناس مولودة وسط  بنتين

من نحنا وصغار كنتا بحبو والفرحني اكتر انو هو بحبني وكنتا بنتظر بفارق الصبر عشان نمشي ليهم في والخرطوم قبل ما نجي من الابيض عشان اشوفو    لحدي ما وصلتا مرحلة الثانوية وكان متخرج اعترف لي بحبو وسافر عشان جاهووو عقد عمل وبعد ما انا خلصتا الثانوية كلم امي وخالتي ووافقوو  وعملنا خطوبة وطبعا اي قصة حب تكون فيها شوية احداث وكان اخوهو الاصغر منووو عايزني واتكلم معاي كتير انو اخليهوو واواصل معهوو بس انا بصدوو وده الشي الخلاهوو يحقد علي وكان عندي صحبتي مقربة  من بعد اختي امنية طبعااا وبحكي ليهم التفاصيل يومي وبما انو هي صحبتي عادي تتكلم مع خطيبي وهو كذا مرا اشتكي لي عنها بس انا قولت ليهووو بتكون ما قصدها شي وفي قال لي حظرتها ومشيت الموضوع عادي لحدي ما خلاص بقينا علي العرس وكنتا محبوسة وطبعا عندي اختين واحدة اكبر اماني متزوجة لها سنة والبعدها امنية لسه قسمتها وبعدين انا وطبعا ابوي فارق الحياة من قبل ولدتي... كانوو قعدين معاي وملك كمان ويوم الحنةة العريس اللي كانت اسوء يوم لي التفاصيلوو اخواتي مشو وملك قالت هي تعبانة ها تمشي بيتهم افتكرت هي ماخدة موقف عشان حظرها فما حبيت اكتر ليها وقبل ما تمشي ادتني عصير وبعدها حسيت جسمي مسخن اخر شي بتزكر لقيت عمر معاي وقتها بكيت بكيت بحرقه انو بكرة عقدي وانا غلطت💔

ولحدي كملنا العرس كنتا حاسة بتنئيب ضمير شديد خصوصا انو عثمان مديني اهتمام بكلووو وفي كل موقف بثبت لي حبووو وكل مرا بقيت اتهرب منوو علي اساس ما يعرف وسلفا عارفة المصير انو ها يعرف ها يعرف