رواية للشوق نار الفصل الثالث3 بقلم تقي محمد

وصلت البيت لاقتني ندى في وشي قالت لي ما شفتي عاد واااي وتاني واااي قلت ليها يابت مالك قالت لي جاني جفاف قلت ليها من شنو كمان مسكتني من يدي ودخلتني جوه مدت لي صندوق عاينتا ليها وعاينت لي الصندوق قلت ليها دا شنو؟ قالت لي افتحي فتحتو لقيت لي حلويات وشبسيات وطقم ساعه وإسوره ومعاهم عطر وكان في صندوق صغير فتحتوا لقيت فيهو خاتم دهب قلت ليها دا حازم داير يخطبك ولا شنو .. كويس قولي ليهو اختي قالت ليك طلع عندك زوق والله لبعتني لبعه لمن حسبت قلبي نطه من قفصي الصدري قالت لي يا حيوانه دا ما حازم دا احمد عاينت ليها كدا😳

قالت لي جابهم ليك وقال لي قولي ليها دي المفاجأه وعاد يايمه ياريتني ما فتحتها جابت لي جفاف عاطفي 

شلت الصندوق غلفتو زي ما كان واديتها الكيس قلت ليها امسكي دا ادي امي معاك طالعه وجايه قالت لي يابت ماشه وين؟ قلت ليها ماشه ارجع ليهو حاجاتو دي ما معقوله يا ندى احمد دا ببالغ انتي عارف الصباح محول لي عشرين الف وهسي شوفي الحاجات دي قريب خمسين الف 

قالت لي يابت انتي مجنونه هسي ماشه تقولي ليهو شنو شيل حاجاتك دي ما تلزمني بالغتي يا اختي شوفي هو تعبان فيها كيف ومغلفها ليك وجابها لحدي البيت متوقع منك تفرحي وتقولي ليهو شكرا تقومي بي غبائك دا ترجعيها ليهو ياخ الزول لمن يعمل حاجه زي دي بكون محتاج تقدير صدقيني الانسان لمن يكون نيتو صادقه القروش زاتا ما بتفرق معاهو عاينت ليها مسافه قلت ليها شايفاك بقيتي تقولي حكم قالت لي من يومي حكيمه هسي هدي ورسلي ليهو قولي ليهو شكرا وعبري عن تقديرك خلي هبالتك دي

جدعتها بالشبشب جرت وقعدت تضحك بس هي طلعت بي جاي احمد اتصل بي جاي طوالي شبكتوا ليك بالغته وما كان في داعي كفايه هدية الصباح قال لي حلوه قلت ليهو حلوه شديد شكرا ليك قال لي يابت انتي هبله والله دي ما جايه بي جمب قيمتك انتي توزني دهب والماس قعدت اتخجل ساي قلت ليهو يا احمد ياخ قال لي بعد بكره شغاله قلت ليهو اي ليه قال لي ممكن ما تمشي الشغل عايزك في موضوع قلت ليهو خير قال لي خير إن شاء الله 

وبعد بكره جا سريع وكان احلى يوم في حياتي احمد جاب امو وابوهو واعمامو وجو اتقدموا لي امي قالت لي عاد يابتي على الاقل تكلمونا والله خجلتا خجل لكن كان احلى يوم في حياتي عملنا حفلت خطوبه وبقيت ما بمشي الكوفير كتير نظام في إجازه وكدا وكل يوم انا واحمد طالعين محل جديد امي قالت لي عاد كترتوا المحلبيه في يوم كنا بنتكلم بالتلفون هو كان في محل الشغل وانا في الكوفير قال لي حاولي اطلعي الليله عايزك في موضوع قلت ليهو والله يا احمد الليله ما بقدر مزحزمه شديد لكن بحاول كان مصر علي شديد لكن الكوفير اليوم داك كان مزحوم شديد ما قدرت اطلع ليهو لمن خلصت العصر ازن قلت ما مشكله امشي البيت استحمى واتصل ليهو نتلاقى مشيت البيت وشلت هدومي دقت لي تهجد قاعدين نتكلم كدا جاتني ندى تجري وما قادره تتنفس قالت لي نسمه.....